درگاهیوه دخلیم صاحب لوا ابوالفضل

قیل دردیمه مداوا مشکل گشا ابوالفضل

ای صاحب کرامت یا حضرت ابوالفضل

سرچشمة شجاعت یا حضرت ابوالفضل

وار سنده عالی غیرت یا حضرت ابوالفضل

قربان آدیوا اولسون ارض و سما ابوالفضل

عالمده دردمنده دارالشّفا واروندی

هر ناعالج مریضه آقا دوا واروندی

سائللریوه هر دم لطف و عطا واروندی

امّید بی پناهان سنسن آقا ابوالفضل

سن کربلاده مولا دنیا داشینی آتدون

تک قویمادون امامی، قانیوه اوردا باتدون

ایثار و غیرتیلن جاه و مقامه چاتدون

باب الحوائج اولدون عالمده یا ابوالفضل

قربان سنه ابوالفضل حق سنگرینده قالدون

آل عبانون اوسته عشقیله سایه سالدون

جنگ ایلدون او چؤلده لب تشنه نهری آلدون

سو ایچمدون او حالدا باخدون سووا ابوالفضل